۸صبح، کابل: د هلمند سیمهییزې سرچينې وايي چې په دغه ولايت کې يو ځوان د خپل ورور له خوا د چړې په ګوزارونو وژل شوى دى.
سرچینې شنبه د چنګاښ پر ۲۳مه، ۸صبح ورځپاڼې ته ویلي چې دا ځوان د هلمند ولايت په مرکز لښکرګاه ښار کې وژل شوى دى.
سرچینې د دې وژنې لامل کورنۍ شخړه بللې ده.
په هلمند کې طالبانو په دې تړاو څه نه دي ویلي.
دا په داسې حال کې ده چې شاوخوا يوه اوونۍ مخکې هم په کندهار ولايت کې د دوو مېرمنو په ګډون د يوې کورنۍ درې غړي د ناپېژاندو کسانو له خوا وژل شوي وو.
