۸صبح، کابل: په افغانستان کې د ملګرو ملتونو د مرستندویه پلاوي (یوناما) سرپرستې جورجیټ ګانیون ویلي چې طالبانو د نړیوالې ټولنې او افغانانو اصلي اندېښنو ته پاملرنه نه ده کړې.
ګانیون چهارشنبه د وږي پر ۲۵مه د امنیت شورا په ناسته کې ویلي چې طالبانو د ښځو په اړه محدودیتونو، د بشري حقونو بحران او د ترهګرو ډلو د حضور په اړه اندېښنو ته پام نه دی کړی.
نوموړې په خپله وینا کې زیاته کړې چې طالبان دا مهال له پام وړ سیاسي او نظامي ګواښ سره مخ نه دي.
د هغې په خبره، د اعتراضونو ځپل، پر لږکیو فشار، د رسنیو ځنډول او د طالبانو د تګلارو ګواښونه په زیاتېدو دي.
نوموړې د بدخشان او هرات وضعیت ته په اشارې ویلي چې یوناما د حجاب مقرراتو د نه مراعاتولو له امله د ښځو او نجونو نیول، د اعتراضونو ځپل، پر لږکیو فشارونه، د رسنیو تړل او د خبریالانو نیول ثبت کړي دي.
د یوناما سرپرستې ټینګار کړی چې افغانان د فرصتونو، بنسټیزو خدماتو، زدهکړو او د خپلو اولادونو لپاره د یوې راتلونکې غوښتونکي دي.
