۸صبح، کابل: د طالبانو د کورنیو چارو وزارت په خپرې کړې خبرپاڼې کې لیکلي چې سراجالدین حقاني د ترکیې او قطر له ګډ پلاوي سره کتلي دي.
نوموړي وزارت چهارشنبه د وږي پر ۲۵مه ویلي چې په دې لیدنه کې پر بېلابېلو امنیتي او سیاسي مسایلو خبرې شوې دي.
تر اوسه د دغې لیدنې په اړه نور جزییات نه دي خپاره شوي.
د طالبانو له واکمنېدو وروسته دا کابل ته د ترکیې د جګپوړي امنیتي او استخباراتي چارواکي لومړنی رسمي سفر دی.
د سرچینو په خبره، ټاکل شوې چې د ترکیې او قطر پلاوي کندهار ته هم لاړ شي او هلته له هبتالله اخوندزاده سره وګوري.
