۸صبح، لوګر: د افغانستان د ازادۍ جبهې اعلان کړی چې په لوګر ولایت کې د طالبانو په استخباراتي کارکوونکو د دې جبهې په برید کې د طالبانو درې غړي وژل شوي او دوه نور ټپیان شوي دي.
دې جبهې چهارشنبه د تلې پر ۲۲مه، په یوه خبرپاڼه کې ویلي چې دغه برید د لوګر ولایت د مرکز پلعلم ښار په لومړۍ امنیتي حوزه کې د طالبانو امنيه قوماندانۍ ته نږدې شوی دی.
د دې جبهې په وینا، برید د سېشنبې پر ماښام، د تلې په ۲۱مه، شاوخوا ۷ بجې او ۱۰ دقیقې ترسره شوی دی.
