۸صبح، کابل: د طالبانو د ویاند مرستیال حمدالله فطرت ویلي، چې پرون ۱۶۲ کورنۍ چې ۶۹۸ کسان کېږي، په جبري توګه افغانستان ته راستنې شوې دي.
فطرت چهارشنبه، د تلې پر۲۲مه، په یوه خبرپاڼه کې ویلي، چې ۲۹ کورنۍ چې ۱۴۴ کسان کېږي، د تورخم له لارې هېواد ته راستنې شوې دي.
د خبرپاڼې له مخې، ۱۹ کورنۍ چې ۸۹ کسان کېږي، د کندهار د سپین بولدک له لارې او ۹۶ کورنۍ چې ۴۰۸ کسان کېږي، د نیمروز د ورېښمو پله له لارې افغانستان ته راغلې دي.
دغه راز، ۱۸ کورنۍ، چې ۵۷ کسان کېږي، د نیمروز د اسلامکلا له لارې هم هېواد ته راستنې شوې دي.
