۸صبح، کابل: د افغانستان د بشري حقونو په چارو کې د ملګرو ملتونو ځانګړی راپور ورکوونکی ریچارډ بېنېټ، وايي نن له منځنیو زدهکړو د افغان نجونو د محرومیت پنځه کاله پوره شول او دا وضعیت «ظالمانه او احتمالاً د بشریت پر وړاندې جنایت» دی.
بېنېټ پنجشنبه د وږي پر ۲۶مه، پر خپله ایکس پاڼه لیکلي چې د افغان نجونو یوه نسل د منځنیو زدهکړو پوره دوره له لاسه ورکړې ده.
نوموړي ویلي چې افغانستان لا هم په نړۍ کې یوازینی هېواد دی چې د نفوس نیمایي برخه پکې له منځنیو او لوړو زدهکړو بېبرخې دي.
بېنېټ زیاته کړې چې دا وضعیت د نجونو پر رواني روغتیا او همداراز د افغانستان پر اوسني او راتلونکي وضعیت ژورې او پراخې اغېزې لري.
نوموړي په یوه جامع نصاب سره د نجونو د ښوونځیو د پرانیستل کېدو غوښتنه کړې او ټینګار یې کړی چې د افغان نجونو د بنسټيزو بشري حقونو لپاره مبارزه لا هم دوام لري.
ریچارد بېنېټ ویلي چې طالبانو د ۲۰۲۱ کال د سپټمبر پر ۱۷مه افغان نجونې له منځنیو زدهکړو منع کړې او اوس له دغه محدودیته ۸۲۶ ۱ورځې تېرې شوې دي.
