هرات: په هرات ولایت کې د څه باندې ۱۰۰۰ صرافیو له تړل کېدو وروسته اوس په دغه ولایت کې صرافانو په اعتراض لاس پوری کړی دی.
سرچینو ۸صبح ورځپاڼې ته ویلي چې صرافانو سه شنبه د زمري پر۹مه په هرات ولایت کې د طالبانو د والي د دفتر دروازې ته څېرمه اعتراض وکړ.
دغه صرافان چې شمېر یې لسګونو تنو ته رسېږي، د صرافیو د تړلو لپاره د طالبانو اقدام د خلکو وزګارول ګڼي.
په هرات کې طالبانو په دې اړه څه نه دي ویلي.
دا په داسې حال کې ده، چې طالبانو په تېرو دوو ورځو کې په هرات کې د صرافۍ نږدې زر هټۍ د جوازونو د نشتوالي له امله تړلې دي.
طالبانو په هرات کې صرافانو ته ویلي چې باید د دې ډلې تر کنټرول لاندې د افغانستان بانکه جواز واخلي.ۤ
