۸صبح، کابل: د بادغیس سیمهییزې سرچینې وايي چې طالبانو په دغه ولایت کې لسګونه صرافۍ تړلې دي.
سرچینو ۸صبح ورځپاڼې ته ویلي چې طالب جنګیالي چهارشنبه د تلې پر ۴مه د بادغیس مرکز قلعهنو ښار د صرافیو مارکېټ ته ورغلي او لږترلږه ۸۰ صرافۍ یې تړلي دي.
د سرچينو د معلوماتو له مخې، طالبانو دا صرافۍ د جواز نه لرلو له کبله تړلې دي.
دا په داسې حال کې ده چې طالبانو په تېرو درېيو ورځو کې هرات کې ۱۰۰ صرافان نیولي دي.
طالبانو له دوی ژمنه اخیستې چې له دې وروسته به له جواز پرته فعالیت نه کوي.
د طالبانو تر کنټرول لاندې د افغانستان بانک د صرافۍ جواز لپاره څه باندې شپږ میلیونه افغانۍ تضمین غواړي چې ډېری صرافان یې وس نه لري.
