۸صبح، کابل: د ملګرو ملتونو سرمنشي انتونیو ګوتېرېش وايي، له نړیوالو ننګونو سره د مقابلې لپاره نړۍ له هر وخته ډېر نړیوالو خبرو، همکارۍ او ګډو اقداماتو ته اړتیا لری.
ګوتېرېش یکشنبه د سپټمبر پر ۲۰مه په اېکسپاڼه کې لیکلي چې ژر به د نړۍ مشران د ملګرو ملتونو په عمومي اسمبله کې راغونډ شي، څو په نړۍ کې مهمو ننګونو ته لاره چاره ومومي.
نوموړي زیاته کړې چې دا به د ملګرو ملتونو د سرمنشي په توګه په عمومي اسمبله کې د هغه وروستی حضور وي.
د ملګرو ملتونو سرمنشي ټینګار کړی چې پیغام یې روښانه دی او اوس نړۍ تر بل هر وخت ډېرو نړیوالو خبرو، همکارۍ او ګډو اقداماتو ته اړتیا لري.
ګوتېرېش همداراز ویلي چې د ټولو لپاره د غوره نړۍ د جوړولو په لار کې به له خپلو هڅو لاس په سر نه شي.
