۸صبح، کابل: د روغتيا نړيوال سازمان سيمېيزې مديرې حنان بلخي فغانستان ته په خپل سفر کې پر نشهيي توکو د روږدو کسانو پر درملنې او د پولیو د له منځه وړلو پر اهميت ټينګار کړی دی.
د روغتيا نړيوال سازمان يکشنبه د چنګاښ پر ۲۹مه، راپور ورکړی چې بلخي په دې سفر کې د طالبانو له چارواکو او نړيوالو شريکانو سره کتلي دي.
د دغه راپور له مخې، بلخي د پولیو د له منځه وړلو د پروګرام په تړاو د پاکستان، اندونيزيا، ترکيې، نړيوال بانک، اروپايي ټولنې او د اسلامي همکاریو سازمان له استازو سره هم خبرې کړې دي.
بلخي په دې سفر کې پر نشهيي توکو د روږدو کسانو د درملنې له مرکزونو هم ليدنه کړې ده.
هغې د ۱۰۰ بسترو په ظرفيت سره د ښځو او ماشومانو د اعتياد د درملنې له يوه مرکزه ليدنه کړې او د هغوی د استقامت ستاينه يې کړې ده..
د راپور له مخې، اټکل کېږي چې په افغانستان کې شاوخوا څلور ميليونه کسان د نشهيي توکو د کارونې له اختلالاتو کړېږي.
دا په داسې حال کې ده چې د روغتيا نړيوال سازمان په سرحدونو کې د راستنېدونکو پر سمدستي ملاتړ ټينګار کړی و او د بېړنيو مرستو د وړاندې کېدو غوښتنه کړې وه.
