۸صبح، کابل: پر هېواد د طالبانو له واکمنېدو وروسته د ایران د بهرنیو چارو وزیر سېدعباس عراقچي لومړنی لوړپوړی ایراني چارواکی دی چې افغانستان ته سفر کوي.
د ایران د بهرنیو چارو وزارت ویاند اسماعېل بقايي یکشنبه د سلواغې پر ۷مه، دا سفر د تهران او طالبانو ترمنځ په اړیکو کې د یو مهمې ټکي په توګه یاد کړی دی.
دا پر افغانستان د طالبانو له واکمنېدو وروسته د ایران د بهرنیو چارو د وزیر په توګه کابل ته د سېدعباس عراقچي لومړنی سفر دی.
د بقايي په وینا، د عباس عراقچي سفر د ایران له ملي ګټو سره سم ترسره شوی دی.
هغه زیاته کړې چې عراقچي به له طالبانو سره د دغه سفر پرمهال د ایران ملي ګټو او د علاقې وړ مسایلو په تړاو وغږېږي.
ایران او طالبان نږدې اړیکې لري او دغه هېواد پر افغانستان د طالبانو له واګمنېدو وروسته په کابل کې خپل سفارت فعال ساتلی دی.
