د ایران سپاه پاسداران د امریکا ولسمشر ډونالډ ټرمپ «ستر دروغجن» بللی دی.
الجزیرې سهشنبه د سپټمبر پر ۲۹مه راپور ورکړی چې د ایران د سپاه پاسداران ویاند حسین محبي ویلي، امریکایانو ته دې رښتیا وویل شي.
هغه زیاته کړې چې امریکا د ایران پر وړاندې په نظامي عملیاتو کې له ماتې سره مخ شوې ده.
د سپاه پاسداران ویاند له منځني ختیځه د امریکا د وتلو غوښتنه هم کړې ده.
دا څرګندونې داسې مهال کېږي چې د ایران او امریکا ترمنځ ترینګلتیا لا دوام لري.
د دواړو هېوادونو د چارواکو وروستۍ څرګندونې هم ښيي چې په سیمه کې د امنیتي او پوځي حالت پر سر د دریځونو اختلاف پراخ دی.
