د هېواد ولسمشر محمد اشرف غني د سولې لپاره خپله طرحه په ارګ کې د یوې ناستې پرمهال تشرېح کړه.
د هغې ناستې په اړه لازیات جزیات رسنیز نه شول چې د وري په اوولسمه نېټه په ارګ کې د ولسمشر غني د طرحې د تشرېح کولو په موخه جوړه شوې وه.
خو د هغو تصویرونو له مخې چې له دغې ناستې خپاره شوي، یو شمېر لوړپوړو حکومتي چارواکو لکه د ولسمشر لومړي مرستیال امرالله صالح، دوهم مرستیال محمد سرور دانش او د بهرنیو چارو وزیر محمد حنیف اتمر په دغه ناسته کې ګډون کړی و.
د ولسمشر غني طرحه لکه څنګه چې له دې مخکې رسنیو ته رسېدلې، درې پړاوونه لري. ټاکل شوې دا طرحه د استانبول په غونډه کې وړاندې شي.
د ولسمشر محمد اشرف غني د طرحې پربنست سیاسي هوکړه او اوربند په لومړي پړاو کې او د سولې حکومت جوړول په بل پړاو کې دی.
په همدې توګه، د سولې جوړښت، دولت جوړونه او د مارکېټ رامنځته کول د ولسمشر غني د طرحې برخې دي. دا طرحه د ملي روغې جوړې په عالي شورا کې د ارزونې په حال کې ده.
له بلې خوا، د ملي روغې جوړې د عالي شورا رییس عبدالله عبدالله وايي چې تمه کېږي د استانبول غونډه په هېواد کې د تلپاتې سولې د راتلو لامل شي.
هغه دا څرګندونې د ملي روغې جوړې د عالي شورا د سیمه ییزو او نړیوالو چارو کمېسیون په څلورمه ناسته کې کړې دي.
دغه ناسته د وري په اوولسمه نېته د ملي روغې جوړې د عالي شورا د رییس عبدالله عبدالله، بهرنیو چارو وزیر محمد حنیف اتمر، د سولې په چارو کې د دولت د وزیر سید سعادت منصور نادري، د دولت د مرکچي پلاوي د رییس محمد معصوم ستانکزي، د هېوادونو د سفیرانو او نړیوالو سازمانونو د استازو په ګډون جوړه شوې ده.
ښاغلي عبدالله ويلي چې هڅه کېږي د افغانستان پلاوی ټول ګډونه وي او د استانبول په ناسته کې له واحدې طرحې سره ګډون وکړي.
هغه زیاته کړه چې د ملي روغې جوړې د عالي شورا د مشرتابه کمیټې د سولې طرحې د برابرولو کمیټه د سولې د یوې واحدې طرحې پر برابرولو کار کوي.
تر ټولو ډېر کتل شوي مطالب
-
په غور کې په بوږنوونکې بڼه د نوریې وژنه؛ هغه چې د خپلو ماشومانو په مخکې شکنجه او ووژل شوه
-
سرچینې: طالبانو د امید سبز ښارګوټي د اوسېدونکو کورونو ته کرایه ټاکلې ده
-
په هلمند کې د پاکستان په هوايي بریدونو کې ۱۲ ملکي وګړو ته مرګ ژوبله اوښتې ده
-
په بدخشان کې واورې ورېدنې او شدید ساړه د درېیو ماشومانو ژوند اخیستی
-
پنجشېر کې جګړه؛ د ۲۰ طالبانو مړي کندهار ته لېږدول شوي
پادکست
د امتياز څښتن: سنجر سهيل
اجرائیوي رئیس: پروېز کاوه
د کتونکې ډلې مشر: بهیر
پته: کابل، افغانستان