۸صبح، فراه: په فراه کې ځايي طالب چارواکي وايي چې په دغه ولایت کې یو ځوان وژل شوی دی.
په فراه کې د طالبانو امنیې قوماندانۍ مطبوعاتي دفتر سهشنبه د زمري پر ۳۰مه په یوې خپرې کړې خبرپاڼه کې لیکلي چې دا کس د پرچمن ولسوالۍ په پسکوتل سیمه کې وژل شوی دی.
دا کس عیدګل نومېده او د کورنیو ستونزو لامله وژل شوی دی.
طالبانو منلې چې دوه تورن چې له عیدګل سره یې کورنی تړاو درلود، له وژنې وروسته له سیمې تښتېدلې دي.
په دې وروستیو کې د هېواد په بېلابېلو سیمو کې جنايي پېښې ډېرې شوې چې لامله یې خلک اندېښمن دي.
د یادونې ده چې پرون په فراه کې وسلهوالو غلو یو صراف وهلی ټکولی او وروسته یې ترې ۳۵۰ زره امریکايي ډالر ترې غلا کړې دي.
