۸صبح، کابل: د افغانستان لپاره د اسلامي همکاریو سازمان ځانګړي استازي طارق علي بخیت د افغانستان لپاره د اروپايي ټولنې له ځانګړي استازي توماس فریلیسن سره کتلي دي.
د اسلامي همکاریو سازمان چهارشنبه د تلې پر ۲۲مه، په یوه خبرپاڼه کې ویلي، چې دواړو لورو په دې کتنه کې د افغانستان پر بشري وضعیت او وروستیو تحولاتو خبرې کړې دي.
د خبرپاڼې له مخې، په افغانستان کې د اروپايي ټولنې د پلاوي سرپرستې نیکولا بلومو هم په دې کتنه کې حضور درلود.
په دې کتنه کې دواړو لورو له افغانستان سره د همکاریو پر پیاوړتیا، بشري اړتیاوو ته پر رسيدهګۍ او د روغتیا، زدهکړو او بدیل معیشت په برخو کې د همکارۍ د لارو چارو پر ارزونې ټینګار کړی دی.
طارق علي بخیت دغه راز له افغانانو د ملاتړ په موخه د نړیوالو همکاریو پر دوام او د هڅو پر همغږۍ ټینګار کړی دی.
