۸صبح، کابل: په کابل کې سرچینې وايي چې طالبانو د خاتمالنبیین پوهنتون تړلی او محصلانو ته یې ویلي چې نور دغه پوهنتون ته ورنشي او د خپلو زدهکړو د دوام لپاره بل پوهنتون ولټوي.
سرچینو سه شنبه د وږي پر ۲۴مه، ۸صبح ورځپاڼې ته ویلي، دا پرېکړه په داسې حال کې شوې چې د محصلانو شاوخوا درې اونۍ وروسته د سمسټر ۲۰ سلنه ازموینه په مخ کې لرله.
د سرچینو په وینا، د سمسټر په پیل کې هغوی ته ویل شوي وو چې دا پوهنتون دولتي شوی دی.
سرچینې زیاتوي چې د معالجوي طب پوهنځي محصلان هم د دغه پوهنتون له تړل کېدو اغېزمن شوي او تر اوسه څرګنده نه ده چې هغوی او د نورو څانګو محصلان به په کومو پوهنتونونو کې خپلو زدهکړو ته دوام ورکړي.
سرچینې وايي هغوی ته ویل شوي چې پوهنتون د هغو فعالیتونو له امله بند شوی چې «غیرعلمي او مذهبي» بلل شوي دي.
