۸صبح، کابل: د «له پولیوا پاک افغانستان» بنسټ اعلان کړی دی چې د دوشنبې په ورځ، د وږي پر ۳۰مه، د هېواد په ټولو ولایتونو کې د پولیو (د ماشومانو د ګوزڼ) د واکسین نوی کمپاین پیل کېږي.
دې بنسټ چهارشنبه د وږي پر ۲۵مه، پر ایکس پاڼه لیکلي چې په سویلې زون کې به دا کمپاین د راتلونکې اوونۍ پر سې شنبه پلی شي.
د «له پولیوا پاک افغانستان» بنسټ زیاته کړې چې دا کمپاین د په ټول هېواد کې ترسره کېږي.
دغه بنسټ تل ټینګار کړی چې د پولیو واکسین له دې ناروغۍ د ماشومانو د خوندیتوب لپاره یوه خوندي او اغېزناکه لاره ده او له کورنیو یې غوښتي چې خپل ماشومان واکسین کړي.
دا په داسې حال کې ده چې څه موده وړاندې په ننګرهار کې د طالبانو د عامې روغتیا مسوولانو په دغه ولایت کې د پولیو د پنځو مثبتو پېښو د ثبتېدو خبر ورکړی و.
