تاجکستان ته د پاکستان د لومړي شهباز شریف د سفر په ترڅ کې د دواړو هېوادونو مشرانو د ډیپلوماټیکو او اقتصادي اړیکو د پیاوړتیا ژمنه کړې ده.
د اسیاپلس رسنۍ چهارشنبه د جون پر ۳مه راپور ورکړی چې د تاجکستان ولسمشر امام علي رحمان د پاکستان له لومړي وزیر شهباز شریف سره په لیدنه کې د اسلاماباد او دوشنبه اقتصادي اړیکې مهمې بللې او د دواړو هېوادونو ترمنځ یې د ډیپلوماتیکو اړیکو د پراختیا غوښتنه کړې ده.
د راپور پر بنسټ، دواړو لورو د کانونو، کرنې او انرژۍ په برخو کې د پانګونې ژمنه کړې ده.
د دواړو هېوادونو مشرانو په سیمه کې د امنیتي ګواښونو په هکله هم خبرېاترې کړي دي.
امام علي رحمان او شهباز شریف د کاسا ۱۰۰۰ پروژې پر وخت پلي کېدل مهم بللي او زیاته یې کړې یې ده چې دا پروژه د منځنۍ اسیا هېوادونه له سوېلي اسیا سره نښلوي.
کاسا ۱۰۰۰ لومړنۍ لویه سیمهییزه پروژه ده چې د منځنۍ اسیا له هېوادونو څخه د افغانستان له لارې پاکستان ته برېښنا لېږدوي.
په دې لیدنه کې د اورګاډي له لارې د دواړو هېوادونو د نښلولو پروژې هم ارزول شوې دي.
شهباز شريف تېره ورځ د يو پلاوي په مشرۍ دوشنبه ته تللی دی.
