زري کړکي اکاډمۍ د کال غوره کتابونو جايزې اعلان کړې

د زري کړکي اکاډیمي د کال غوره کتابونو ته د ۱۴۰۰ کال د زري کړکي جایزې د اطلاعاتو او فرهنګ وزارت د رسنیو په تالار کې په یو لړ مراسمو کې اعلان کړې. د جایزو د دې لړۍ بنسټګر، نجیب منلي، د زري کړکي د اکاډمۍ او د هغې د لارښودو اصولو په اړه مالومات ورکړل، وې ویل چې هر کال، د کتاب د نړيوالې ورځې په مناسبت، د افغانستان د قلم خاوندان، د قلم خاوندانو ته دغه جایزې وړاندې کوي. سږکال د پېژندل شویو لیکوالو او نقادانو ټولي د زري کړکي د نهمې او لسمې دورې جایزې په پښتو او دري ژبو، اتو د ادبي او هنري ارزښت درلودونکو کتابونو ته ورکړې. نوموړي، هغه پنځه اصلونه چې له مخې یې د زري کړکي ارزوونکي غوره شوي اثار ارزوي معرفي کړل: نوښت، هنریت، د ژبې کره والی، فصاحت او بلاغت، د افغانستان ادبیاتو ته د یو نوي څه ورکول او د دیموکراسۍ، ملي یووالي، بشري کرامت، افغاني فرهنګي ارزښتونو او د بیان د ازاداۍ له اصولو سره برابر والی. د اطلاعاتو او فرهنګ سرپرست وزير محمد طاهر زهیر په خپله وینا کې د ادبي او هنري تخلیق په اړه خبرې وکړې او دا یې په ګوته کړه چې څنګه ټولنه خپلو ارزښتمنو اثارو ته په پام سره د خپلو ژبو او ادبیاتو د ودې او پراختیا له پاره زمینه برابروي.
هغه آثار چې سږکال یې د زري کړکي د اکاډیمې پام وراړولی دا دي:
۱ – نخستین فلامنکو در سمنگان، د سید طیب جواد اثر
۲ – هر یو خپل سقراط دی، د محمد انور وفا سمندر ناول
۳ – یک لب سکوت، د تمنا توانگر د شعرونو ټولګه
۴ – سرتوره ابیقوره، د ډاکټر جنید شریف د شعرونو ټولګه
۵ – بیم موج، د افراطیت ټولنیز نقد د استاد محمد محق اثر
۶ – د طوبی تر سیوري لاندې، د آمنې فنا سعیدي د شعرونو ټولګه
۷ – رشته‌ی باران، دٔ تاجیکستان د پېژندل شوي شاعر، استاد عبدالجبار سروش د اشعارو غورچاڼ چې د گلنور بهمن په زیار فارسی خط ته اړول شوی
۸ – لیکلوري، دادبی نقد په اړه د قیصر اپریدي د تنقيدي لیکنو مجموعه