د ملګرو ملتونو سرمنشي انتوني ګوترېش منځنۍ اسیا ته د خپل سفر په ترڅ کې د ازبکستان له ولسمشر شوکت میرضیایف سره د سیمې د ثبات په هکله خبرېاترې کړې دي.
ګوترېش سېشنبه د جولای پر ۲مه په تاشکند کې د خپل حضور خبر ورکړی او زیاته کړې یې ده چې په سیمه کې د همکارۍ او ثبات په هکله یې د ازبکستان له ولسمشر سره خبرېاترې کړې دي.
د ملګرو ملتونو سرمنشي په یو ۹ ورځني سفر منځنۍ اسیا ته تللی او ټاکل شوې چې له تاشکنده قزاقستان، تاجکستان، قرغزستان او ترکمنستان ته سفر وکړي.
نوموړی به په دې سفر کې د منځنۍ اسیا هېوادونو له چارواکو سره وګوري او همداراز د خلکو اړوند د اقلیمي بدلون له پروژو څخه لیدنه وکړي.
ګوترېش به د شانګهای همکارۍ سازمان په سرمشریزه کې چې د جولای پر ۴مه د قزاقستان په پلازمېنه استانه کې جوړېږي، ګډون وکړي.
