د ترکیې اناتولي خبري آژانس خبر ورکړی چې ددغه هېواد پولیسو ۴۴ ناقانونه افغان کډوال نیولي دي. د رپوټ له مخې، دغه کډوال د کډوالو د قاچاق په وړاندې د مبارزې او سرحدي پولیسو له خوا نیول شوي دي.
اناتولي آژانس خبر ورکړی چې دغه ټول کډوال افغانان دي چې په ناقانونه توګه نوموړي هېواد ته تللي وو.
نیول شوي وګړي په انقره کې د کډوالو ادارې ته سپارل شوي دي.
د کډوالو او راستنېدونکو چارو وزیر نور رحمان اخلاقي د سلواغې په درویشتمه نېټه ووېل چې کابو دوه سوه زره افغانان په ترکیه کې اوسېږي او دغه وزارت د دوی د وضعیت د ارزونې په موخه د دواړو هېوادونو ترمنځ د تفاهم د میکانیزم وړاندیز کړی دی.
افغان کډوال له ترکیې څخه اروپايي هېوادونو ته د ترانزیت لارې په توګه استفاده کوي چې پر دغه لاره کې له جدي ستونزو سره مخامخ کېږي.
د روان کال په اوړي کې یوه کښتۍ چې افغان کډوال پکې سپاره وي د ترکیې په وان سیند کې ډوب شوه چې له امله یې ۳۳ افغانان ووژل شول.
تر ټولو ډېر کتل شوي مطالب
-
خلیلزاد: امریکا دې د افغانستان د پاشل کېدو د مخینوي په موخه له طالبانو سره تعامل وکړي
-
په بادغیس کې نښته؛ سرچینې د دوو طالبانو د وژل کېدو خبر ورکوي
-
داعش خراسان؛ په تېرو ۹ کلونو کې د رهبرۍ جوړښت او لړۍ
-
د امریکا د بهرنیو چارو وزیر سمرقند ته تللی
-
د طالبانو ایډیولوژیکه تصفیه؛ د مخکیني حکومت څارنوالان څنګه له دندو ګوښه کېږي؟
پادکست
د امتياز څښتن: سنجر سهيل
اجرائیوي رئیس: پروېز کاوه
د کتونکې ډلې مشر: بهیر
پته: کابل، افغانستان