۸صبح، کندهار: سیمهییزې سرچینې وايي چې په کندهار کې دوه کسان له طالبانو سره په نښته کې وژل شوي دي.
سرچینو چهارشنبه د تلې پر ۲۲مه ۸صبح ورځپاڼې ته وویل چې دا پېښه نن مازیګر په سپین بولدک ولسوالۍ کې شوې ده.
د سرچینو په خبره، نښته له هغې وروسته پیل شوه چې وسلهوالو پر طالبانو ډزې وکړې.
ورته مهال په کندهار کې د طالبانو د امنیې قوماندانۍ ویاند اسدالله جمشید د پېښې پخلی کړی او ویلې یې دي چې په دې پېښه کې دوه وسلهوال وژل شوي دي.
په کندهار کې د طالبانو امنیې قوماندانۍ ویلي چې په نښته کې یو کس وژل شوی او بل ټپي و چې هغه هم د ټپونو له امله ساه ورکړې.
طالبانو ادعا کړې چې دغو کسانو غوښتل پر وړاندې یې بریدونه وکړي چې وروسته له طالبانو سره ونښتل.
