۸صبح، کابل: په افغانستان کې د ملګرو ملتونو د مرستندوی پلاوي دفتر (یوناما) وايي چې د طالبانو د امر بالمعروف او نهی عن المنکر وزارت محتسبانو د ښځو پر وړاندې خپلې سخت اقدامات زیات کړي او په زابل ولایت کې یې ښځو ته یې خبرداری ورکړی چې د پلي تګ لپاره هم له کوره ونه وځي.
یوناما یکشنبه د سلواغې پر ۱۹مه، د افغانستان د بشري حقونو د وضعیت په اړه خپل درې میاشتنی راپور خپور کړی دی.
یوناما دغه راز زیاته کړې چې طالبانو د ۲۰۲۵ کال د اکټوبر پر ۳مه، په هرات کې ښځې د ښځو بازار ته له تللو منع کړې او د هوايي ډزو په کولو سره یې هغوی تیتوپرک کړي دي.
پر دې سربېره، طالبانو د ډسمبر پر ۸مه، په رزګان ولایت کې موټرچلوونکو ته خبرداری ورکړی چې ښځې په موټرو کې سپږې نه کړي.
د یوناما په وینا، د ډسمبر پر ۲۷مه، د کندهار ښار په یوه بازار کې د طالبانو د امر بالمعروف او نهی عن المنکر وزارت محتسبانو له پلورونکو غوښتي چې پر بې محرمه ښځو توکي ونه پلوري.
یو شمېر ښځو ۸صبح ورځپاڼې ته ویلي چې د ډاکترانو د سپارښتنې له مخې د ناروغۍ له امله پلي تګ ته اړتیا لري، خو د طالبانو له مخالفت سره مخ کېږي.
دا په داسې حال کې ده چې طالبانو تر دې وړاندې په رزګان، زابل، کندهار او هلمند ولایتونو کې ښځې له محرم پرته د روغتیايي خدمتونو له ترلاسه کولو محرومې کړې وې.
