۸صبح، کابل: د ملګرو ملتونو امنیت شورا په کابل کې د داعش ډلې د دوشنبې ورځ برید غندلی او ویلي یې دي چې ترهګري په ټولو بڼو کې د افغانستان او نړۍ امنیت لپاره یو جدي ګواښ دی.
د ملګرو ملتونو امنیت شورا پنجشنبه د وږي پر ۱۵مه، په یوې خپره کړې ویناپاڼه کې ټینګار کړی چې ترهګري په ټولو مظاهرو بڼو کې ترټولو جدي ګواښ بلل کېږي.
په ویناپاڼه کې راغلي چې د امنیت شورا غړو د دې کړنو د عاملانو، تنظیمکوونکو، تمویلکوونکو او ملاتړکوونکو پر ځواب ویلو او د هغوی د محاکمې پر لزوم ټینګار کړی دی.
دوی له ټولو هېوادونو غوښتي چې له خپلو ژمنو سره سم د نړیوالو قوانینو او امنیت شورا اړوند پرېکړهلیکونو لاندې، په فعاله ډول له ټولو اړوندو چارواکو سره همکاري وکړي.
د یادونې ده چې د تېرې دوشنبې ورځ د داعش ډلې یو ځانمرګي بریدګر د طالبانو د فرمانونو او حکمونو د څار ریاست پر کارکوونکو د رخصتۍ پرمهال ځان ته چاودنه ورکړه.
د افغانستان د دایمي استازولۍ سرپرست، ریچارد بېنېټ، د ملګرو ملتونو عالي کمېشنرۍ (یوناما)، امریکا او بریټانیا دا برید غندلی دی.
