د هندوستان نوموتی فلمي لوبغاړی نانا پاټیکر چې په بالیووډ او تیاتر کې د اغېزناکو رولونو له امله یې شهرت درلود، د ۷۵ کلونو په عمر مړ شو.
رویټرز پنجشنبه د اکتوبر پر ۸مه راپور ورکړی چې پاټیکر نن سهار په ګوا ایالت کې په خپل کور کې بېهوښه شوی او د ډاکترانو هڅو پایله نه ده ورکړی.
د راپور پر بنسټ، ډاکترانو ویلي چې پاټیکر د زړه د درېدو له امله مړ شوی دی.
پاټیکر چې اصلي نوم یې ویشوانات پاټیکر و، د هندوستان په مهاراشټرا ایالت کې زېږېدلی او خپلې هنري چارې یې له تیاتر څخه پیل کړې وې.
هغه د ۱۹۷۰ او ۱۹۸۰ لسیزو پر مهال د هند په څو هنري فلمونو کې لوبېدلی و چې له ډلې یې سلام بمبي فلم یادېدی شي او وروسته د بالیووډ د فلمونو اصلي بهیر ته داخل شو.
پاټیکر د خپلې هنري دندې پر مهال بېلابېل رولونه لوبولي او د امیتاب بچن او شاه رخ خان په څېر له مشهورو لوبغاړو سره هم یو ځای لوبېدلې دی.
د هغه پیاوړې اداکاري او اغېزناک ډایلاګونه د دې لامل شو چې نوموړي ته په ملي او سیمهیېزه کچه ګڼې جایزې ورکړل شي.
