نامعلومو وسله والو، په بلخ کې یو ځوان وژلی او مېرمن یې ټپي کړې
۸صبح، بلخ: په بلخ ولایت کې سیمه ییزې سرچینې واییدي چې ناپېژاندو وسله والو، په دغه ولایت کې یو ځوان وژلی دی.
دا پېښه تېره شپه ۲ بجي (کب ۲۵مه) د کشنده ولسوالۍ خلیفه کلي کې، رامنځته شوې ده.
د ناپيژاندو وسله والو په بريد کې، د وژل شوی ځوان (زريلام نادر) ميرمن هم ټپي شوی ده.
د سرچينې د معلوماتو له مخې، له ايرانه دغه تازه راستونه شوي ځوان، دوه مياشتې وړاندې واده کړى و.
تر اوسه ددې وژنې انګېزه نهده معلومه.
طالبانو په دې اړه څه نهدي ویلي.
د طالبانو له واک ته رسېدو وروسته په بېساري ډول مرموزي وژنې زیاتې شوې دي. په وروستۍ پيښه کې، پرون په کابل کې يو پنجشيري ځوان په مرموز ډول ووژل شو.
