۸صبح، هلمند: په هلمند کې د ۸صبح ورځپاڼې لوستونکي وايي چې له درېیو ورځو راهیسې د دغه ولایت په اسمان کې بې پیلوټه الوتکه ګزمې کوي.
دوی یکشنبه د زمري پر ۱۴مه وايي چې تر اوسه دا ناپېژانده الوتکه د لښکرګاه ښار او سنګین ولسوالۍ په هوايي حریم کې لیدل شوې ده.
د هلمند يو اوسېدونکى شکايت کوي چې دا بې پيلوټه الوتکه په دومره نږدې واټن کې الوتنه کوي چې د لوړ غږ له کبله یې په شپو خوب نه وړي.
تر اوسه څرګنده نه ده چې دا الوتکې د کوم هېواد له لارې د افغانستان هوايي حریم ته دننه شوې دي.
په دې وروستیو کې د هېواد یو شمېر ولایتونه د بېپیلوټه الوتکو د ګزمې شاهدان دي.
که څه هم په هلمند کې طالبانو د الوتکې د ګزمې په تړاو څه نه دي ویلي؛ خو د دغې ډلې چارواکو په وار وار د دغو ګزمو په هکله اندېښنه ښودلې او پر مخنیوي یې ټینګار کړی دی.
څه موده مخکې د طالبانو د پوهنې وزیر په یوې غونډه کې ویلي و چې د هېواد په اسمان کې د بې پیلوټه الوتکو د ګزمې د مخنیوي لپاره عصري علومو ته اړتیا ده. هغه څرګندونې چې ښيي دا ډله په دې مسئله کې ډېره اندېښمنه ده.
