۸صبح، بدخشان: د بدخشان سیمهییزې سرچینې وايي، یو ۱۳ هلک له دې کبله چې پلار او مور یې د هغه د سر ويښتان خریلي، ځان زندۍ کړی دی.
د سرچینو په وینا، دا پېښه یکشنبه د لړم پر ۶مه د شهدا ولسوالۍ په «بیابکلان» کلي کې رامنځته شوې ده.
سرچینې وايي چې دا هلک مقیم نومېده.
ورته مهال، په بدخشان کې د طالبانو امنيه قوماندانۍ وياند احسانالله کامګار هم دا پېښه منلې او په وینا یې، مقیم د کورنيو ستونزو له کبله ځان زندۍ کړی دی.
د يادونې ده چې په دې وروستيو کې د هېواد په بېلابېلو سيمو کې د ځانوژنې پېښې ډېرې شوې دي.
د دې پېښو ډېری لاملونه د طالبانو محدودیتونه، راتلونکي ته د ځوانانو ناهیلي او د بېوزلۍ او بېکارۍ زیاتوالی بلل کېږي.
درې ورځې مخکې په کابل ښار کې یوې ۲۰ کلنې نجلۍ د یوې ودانۍ له ۱۰ پوړ څخه ځان وغورځاوه او خپل ژوند ته یې د پای ټکی کېښود.
