۸صبح، کندز: په کندز کې سیمه ییزې سرچینې وايي، چې د دغه ولایت لپاره د طالبانو د نشه يي توکو پر وړاندې د مبارزې پخوانی مدیر د خپل یوه ساتونکی له لوري وژل شوی دی.
سرچينې د پنجشنبې په ورځ د زمري په ٢٦مه ویلي، چې د دغه کس نوم سميع الله نافذ و.
دا پېښه تېره شپه رامنځته شوې او سمیع الله په ډزو وژل شوی دی.
هغه ویډیو چې په ټولنیزو شبکو کې هم لاس په لاس کېږي دا پیښه څرګندوي.
په همدې حال کې سرچینې زیاتوي چې په کندز کې د طالبانو تر منځ خپلمنځي اختلافات زیات شوي او د همدغو اختلافاتو له امله نافذ څه موده وړاندې لهدندې ګوښه شوی و.
په کندز کې طالبانو سیمه ییزو مسوولانو تر اوسه په دې اړه څه نه دي ویلي.
د يادونې وړ ده، چې د هېواد په بېلابېلو سیمو کې د طالبانو تر منځ د اختلافاتو موجودیت د دې ډلې د چارواکو او جنګياليو ترمنځ د جګړو لامل شوى دى.
