۸صبح، غزني: په غزني کې ځايي سرچینې وايي چې د دغه ولایت په قره باغ ولسوالۍ کې خلکو په خپل شخصي لګښت یو روغتیايي مرکز رغولی دی.
سرچینو شنبه د تلې پر ۱۱مه ۸صبح ورځپاڼې ته وویل چې دا مرکز د قره باغ ولسوالۍ په «قلوچ» سیمه کې جوړ شوی دی.
سرچینو زیاته کړې چې د دغه مرکز پر ودانۍ ۵.۴ میلیونه افغانۍ لګښت راغلی دی.
د سرچینو په خبره، له دې مخکې د قلوچ سیمې اوسېدونکي د روغتیايي مرکز د نشتوالي له کبله له ستونزه سره مخ و.
د یادونې ده چې د غزني اوسېدونکو له دې مخکې هم په خپل لګښت ځينې ټولګټې پروژې رغولې دي.
