۸صبح، پروان: د پروان طالب سیمهییز مسوولان د دغه ولایت د غوربند درې د سیاهګرد ولسوالۍ په بازار کې د پراخې اورلګېدنې خبر ورکوي.
دا اورلګېدنه چهارشنبه د غبرګولي ۹مې د سهار له شاوخوا ۱۰:۰۰ پېل شوې او تر اوسه دوام لري.
په پروان کې د طالبانو والي ویاند حکمتالله شمیم د اورلګېدنې لامل د دوکاندارانو بې غورې بللې ده.
د هغه په خبره، دې اورلګېدنې چاته مرګژوبله نه ده اړولې او تر اوسه یې د مالي زيان په هکله معلومات په لاس کې نشته.
په پروان کې د طالبانو والي ویاند زیاته کړې چې د اوروژنې ډلې د اور د کابو کېدو لپاره سیمې ته رسېدلي دي.
تر دې دمخه هم د سیاهګرد ولسوالۍ په بازار کې اورلګېدنه رامنځته شوې وه.
