۸صبح، پنجشېر: په پنجشېر کې سیمهییزې سرچینو د یوې پیغلې د ځانوژنې خبر ورکړی دی.
سرچینې وايي چې دې پیغلې یکشنبه د کب پر ۲۰مه د غرمې شاوخوا ۱۱:۰۰ بجې د درې ولسوالۍ په تندخوي کلي کې ځان زندۍ کړی دی.
دا نجلۍ حاکمه نومېده او شاوخوا ۲۶ ورځې وړاندې یې کوژده کړې وه.
سرچینو د دغې پیغلې د ځانوژنې لامل «کورنۍ ستونزه» بللې ده.
د سرچینو په خبره، له دې پېښې وروسته طالبانو د حاکمې او د هغه د کوژدن کور محاصره کړی دی.
طالبانو تر اوسه په دې اړه څه ویلي نه دي.
د یادونې ده چې څو ورځې وړاندې په غزني کې هم یوې ناوې ځانوژنه کړې وه.
دغې ښځې درې میاشتې مخکې واده کړی و او د خپل پلار کور په حمام کې یې ځان زندۍ کړی و.
