۸صبح، کندهار: د کندهار سیمهییزې سرچینې وايي چې په دغه ولایت کې یوې ۱۲ کلنې نجلۍ د مرمۍ په ډز خپل ژوند ته د پای ټکی کېښود.
سرچینې چهارشنبه د زمري پر ۳مه، ۸صبح ورځپاڼې ته منلې چې دا پېښه د دغه ولایت د خاکریز ولسوالۍ په «لالک او زرک» کلي کې شوې ده.
سرچینه زیاتوي چې دې نجلۍ خپل کور کې په ځان ډز کړی دی.
د سرچينې د معلوماتو پر بنسټ، تر اوسه د دې کړنې لامل نه دی په ډاګه شوی.
په کندهار کې طالب مسوولانو هم تر اوسه په دې تړاو څه نه دي ویلي.
دا په داسې حال کې ده چې تېره ورځ په بدخشان کې یوې ځوانې ښځې ځانوژنه وکړه.
پر افغانستان د طالبانو واک ته له رسېدو وروسته د نجونو او ښځو ترمنځ ځانوژنې پېښې زیاتې شوې دي.
