۸صبح، کندز: کندز کې سرچینې وایي، چې په دغه ولایت کې یوه هلک خپله معشوقه وژلې او وروسته یې ځانوژنه کړې ده.
سرچینې جمعه د لړم پر شپږمه نېټه ۸صبح ورځپاڼې ته وایي، چې دغه پېښه د تېرې اونۍ پر چهارشنبې د کندز ښار په سیداباد سیمه کې شوې ده.
د سرچینو د معلوماتو له مخې د جهش په نوم ځوان خپله معشوقه، چې له یوه بل چا سره یې کوژده کړې وه په ډزو وژلې او وروسته یې خپل ژوند هم پایته رسولی دی.
د جهش معشوقې فريدې دوې میاشتې مخکې کوژده کړې وه.
کندز کې طالب چارواکو دغه پېښه تایید کړې او ویلي یې دي، چې په دې برخه کې یې خپلې څېړنې پیل کړې دي.
د جبري ودونو ستونزه کله ناکله په هېواد کې ځوانان قرباني اخلي.
