۸صبح، کابل: د افغانستان کرېکت ملي لوبډلې د درېیو یو ورځنیو سیالیو لوبلړۍ په وروستۍ لوبه کي زيمبابوي ته د اتو وېکټو پر مټ ماتې ورکړه او په پرلهپسې دویمه لوبلړۍ کې یې هم اتلولي په خپل نوم کړه.
دا لوبه شنبه د مرغومې پر لومړۍ نېټه د زېمبابوې په کوربهتوب په هرارې کرېکټ لوبغالي کې وشوه.
د لوبې ټاس افغان ملي اتلانو وګاټه او لومړی یې توپاچونه وکړه چې د زېمبابوې د سین ویلیامز ۶۰، سکندر رضا ۱۳ او بېن کوران ۱۳ منډو پر مټ یي ۱۲۷ منډې هدف وټاکه او خپل ټول لوبغاړي یې له لاسه ورکړل.
افغان ملي اتلانو توپاچونه پیاوړې پیل کړه او په ۳۰.۱ اورونو کې یې د سیال زېمبابوې ټول لوبغاړي له لوبغالي بهر کړل.
په توپاچونه کې اللهمحمد غضنفر پنځه، راشدخان درې، فرید احمد او عظمتالله عمرزي یوه-یوه وېکټه واخیسته او د لوبې اړخ یې بدل کړ.
د هېواد کرېکټ ملي لوبغاړو د صدیقالله اتل ۵۲، عبدالمالک ۲۹ او لوبډلمشر حشمتالله شاهدي ۲۰ ناسوځېدلو منډو پر مټ ۱۳۱ منډې وکړې او د پرلهپسې دویم ځل لپاره یې اتلولي په خپل نوم کړه.
په توپاچونه کې د کوربه زېمبابوې په ګته ریچارډ او ټریور یوه-یوه وېکټه واخیسته، خو له هدف څخه دفاع کې پاتې راغلل.
دا په داسې حال کې ده چې افغان ملي اتلانو له دې مخکې د ۲۰ اوریزو سیالیو لوبلړۍ اتلولي هم ګټلې وه.
کوربه زېمبابوې یوازې د ۲۰ اوریزې لوبلړۍ یوه لوبه وګټله او پاتې ټولې لوبې یې وبایللې.
د یادونې ده چې دواړه لوبډلې راتلونکې پنجشنبه د روانې مرغومې میاشت پر ۶مه د لومړۍ ټېسټ سیالۍ لپاره د لوبې ډګر ته کوزېږي.
