په سوریه کې د کړکېچ له ډېرېدو سره هممهاله د ایران د بهرنیو چارو وزیر عباس عراقچي د یو پلاوي په مشرۍ د دغه هېواد پلازمېنې دمشق ته روان شوی دی.
د ایسنا خبري اژانس د راپور له مخې، نوموړي یکشنبه د ډسمبر پر لومړۍ په سوریه کې د وروستیو تحولاتو په اړه د خبرو اترو لپاره د سفرونو لړۍ پیل کړې ده.
عراقچي نن د سمندري ځواکونو د ورځې نمانځغونډې په څنډه کې ویلي چې دمشق ته ځي او هلته به د سوریې ولسمشر بشارالاسد ته د ایران پیغام ورسوي.
نوموړي زیاته کړې چې ایران به د سوریې له دولت او پوځ څخه په کلکه ملاتړ وکړي.
د راپور په حواله، د ایران د بهرنیو چارو وزیر به له دمشق وروسته د ترکیې پلازمېنې انقرې ته لاړ شي.
د یادونې ده چې د بشارالاسد مخالفو وسلهوالو له تېرې چهارشنبې راهیسې په سوریه کې سخت بریدونه پيل کړې دي.
د دغو بریدونو په ځواب کې بیا سوریې او روسیې پر ادلب ښار چې د یاغیانو تر کنټرول لاندې دی، ګډ هوايي ګوزارونه کړي دي.
په سوریه کې د یاغیانو وروستي بریدونو د تېرو څو کالو راهیسې د بشارالاسد حکومت پر وړاندې لوی هغه ګڼل کېږي.
