۸صبح، کابل: په غزني کې ځايي سرچینې وايي چې په دغه ولایت کې د طالبانو نظامي موټر د ملکیانو له موټر سره ټکر کړی چې له کبله یې د یوې کورنۍ اتو غړو ژوند بایللی دی.
سرچینو چهارشنبه د لړم پر ۱۳مه ۸صبح ورځپاڼې ته وویل چې دا پېښه نن سهار د غزني د مرکز اړوند د روضې کوتل په سیمه کې شوې ده.
د سرچینو په خبره، په قربانیانو کې یوه ښځه، څلور ماشومان او درې نارینه دي.
سرچینو زیاته کړې چې نظامي موټر د طالبانو د دفاع وزارت اړوند دی.
د چلوونکو بې احتیاطي، د سړکونو خرابوالی او ترافیکي قوانینو ته نه پاملرنه په هېواد کې د ګڼو ترافیکي پېښو لاملونه ګڼل کېږي.
