۸صبح، بادغیس: سیمهییزې سرچینې وايي چې د بادغیس په «بند سبزک» سیمه کې د دوو نجونو مړي موندل شوي دي.
سرچینو سهشنبه د زمري پر ۲۰مه ۸صبح ورځپاڼې ته وویل چې د دغو دوو نجونو جسدونه چې شاوخوا اته او ۱۶ کلنې به وي، نن په بند سبزک سیمه کې موندل شوي دي.
ویل کېږي چې لومړی له دغو دوو نجونو سرونه پرې او وروسته یې مړي سوځول شوي دي.
د سرچینو په خبره، د دغو نجونو مړي د بادغیس مرکز قلعهنو روغتون ته وړل شوي دي.
تر اوسه د دغو نجونو د هویت او د دې پېښې د عاملانو په اړه معلومات نه شته.
څو ورځې مخکې د کونړ سیند په شاوخوا کې هم د یو ځوان سر پرې شوی جسد موندل شوی و.
