د چمن سیمې زرګونه اوسېدونکو ګواښ کړی چې که پاکستاني دولت د دوی غوښتنو ته پاملرنه ونه کړه، د سپینبولدک لاره به وتړي.
پرلتکوونکو دوشنبه د ډېسمبر پر ۲مه ادعا کړې چې د پاکستان دولت له خوا لګول شوي محدودیتونه نه دي لېرې شوي.
دوی خبرداری ورکړی چې که دا محدودیتونه لېرې نه شي، د ډېسمبر پر ۴مه د سپینبولدک لاره د تګراتګ پرمخ تړي.
دا اعتراضونه وروسته له هغې پېل شول چې د پاکستان دولت تېرکال پرېکړه وکړه چې له پاسپورټ او ویزې پرته هیچا ته د سپینبولدک له لارې د تګراتګ اجازه نه ورکول کېږي.
د پاکستان دې پرېکړې د چمن د هغو اوسېدونکو چې سپینبولدک دروازې ته نږدې ژوند کوي، غوسه راپارولې ده.
دا په داسې حال کې ده چې پاکستان له دې مخکې د عمران خان پلویانو د پراخو لاریونونو شاهد و.
ورته مهال، افغان سوداګرو د سپینبولدک لارې د تړل کېدو په هکله اندېښنه ښودلې ده.
