۸صبح، کندهار: د کندهار سیمهییزې سرچينې وايي چې د چمن-سپين بولدک دروازه له يوې ورځې خلاصېدو وروسته بېرته تړل شوې ده.
سرچینو سېشنبه د زمري پر ۲مه ۸صبح ورځپاڼې ته ویلي چې دا دروازه د چمن اوسېدونکو له ۱۰ میاشتني پرلت وروسته د یوې ورځې لپاره پرانيستل شوه.
سرچینې زیاتوي چې د پاکستان دولت دا دروازه له څو ساعتونو پرانیستلو وروسته بېرته وتړله.
د پاکستان دولت د چمن له اوسېدونکو غوښتي و چې له دغې لارې د تګراتګ پرمهال باید ویزې او پاسپورټونه ولري.
د پاکستان دا پرېکړه د چمن اوسېدونکو له پراخو اعتراضونو سره مخ شوه.
د چمن اوسېدونکو تر دې مخکې د افغانستان او پاکستان ترمنځ پر فرضي کرښې له پاسپورټ او ویزې پرته تګ راتګ کاوه.
