۸صبح، کندهار: په کندهار کې ځايي سرچينې وايي چې د پرلتکوونکو او پاکستاني امنيتي ځواکونو ترمنځ اخډب شوی دی.
د پاکستان امنیتي ځواکونو چهارشنبه د غبرګولي پر ۱۶مه د دغو پرلتکوونکو یو شمېر مشران نیولي او پر نورو یې له څو نقطو څخه ډزې کړي دي.
۸صبح ورځپاڼې ته استول شوي ویډيويي کلېپونه ښيي چې پاکستاني ځواکونه پر پرلتکوونکو ډزې کوي.
یو پرلتکوونکي په ویډیويي کلېپ کې د دوو پاکستاني پوځیانو ارګانونه یاد کړي او وايي چې مخامخ پر دوی ډزې کوي.
د پاکستان حکومت د پرلتکوونکو په ځای کې مخابراتي شبکې او انټرنېټي خدمتونه بند کړي دي.
تر اوسه په دې نښته کې د اټکلي مرګژوبلې او د نیول شویو کسانو د هویت په هکله څه نه دي ویل شوي.
د يادونې ده چې د سپين بولدک-چمن لاره له څو مياشتو راپدېخوا د چمن سيمې د اوسېدونکو د پرلت او له پاسپورټ او ويزې پرته د تګراتګ د بنديز له کبله تړل شوې ده.
د پاکستان د بلوچستان ایالت ځايي حکومت تر دې دمخه له پرلتکوونکو سره ژمنه کړې وه چې د دوی غوښتنې به په پام کې ونیسي.
