۸صبح، خوست: د خوست سیمهییزې وایي چې ولس په خپل شخصي لګښت د یو لوی پُل د جوړېدو کار پېل کړی دی.
سرچینو سهشنبه د زمري پر ۳۰مه ۸صبح ورځپاڼې ته ویلي چې دا پُل د موساخېلو ولسوالۍ په «غلنګ» سيمه کې جوړېږي.
د سرچينو په وینا، دا پُل د خوست يو شمېر سوداګرو او د دغه ولایت بهرمېشتو اوسېدونکو په مالي مرسته جوړېږي.
د سرچينو د معلوماتو له مخې، د دغه پُل پر جوړېدو څه باندې ١٢ ميليونه افغانۍ لګښت راغلى دى.
سرچینې زیاتوي چې په پام کې ده دغه لوی پُل په نږدې راتلونکي کې ګټېاخیستنې ته وسپارل شي.
ورته مهال د موساخېلو يو شمېر اوسېدونکو ویلي چې د دغه پُل په جوړېدو سره به روغتيايي مرکزونو ته د دوى لاسرسی اسانه شي.
دا په داسې حال کې ده چې د هېواد په بېلابېلو سیمو کې خلکو د طالبانو د نهپاملرنې له کبله په خپل لګښت د ښوونځيو، سړکونو او پُلونو په ګډون عامالمنفعه کارونو ته مخه کړې ده.
