۸صبح، کابل: د نیوزیلېنډ پر وړاندې په یوازینۍ ټېسټ لوبه کې د افغان ملي لوبډلې څلور لوبغاړي نه لوبېږي او پر ځای یې درې نور لوبغاړي چې په لړمړني نوملړ کې نه و، اوس په نوي نوملړ کې شامل شوي دي.
ببزنېسسټنډرډ ورځپاڼې شنبه د سپټامبر پر ۷مه په یوه راپور کې ویلي، راشدخان ګلبدین نایب، فرید ملک او یما عرب هغه څلور لوبغاړي دي چې د نیوزېلېنډ پر وړاندې په یوازینۍ ټېسټ لوبه کې برخه نه اخلي.
د کرېکټ نړیوال ستوری راشد د انګلیس سوداګریز لیګ وروستیو لوبو کې ژوبل شوی او د لوبډلې ډاګټر ویلي چې نوموړی د رغېدو په حال کې دی ځکه په راتلونکې ټېسټ لوبه کې نهشي لوبېدای.
که څه هم ګلبدین، فرید او یما د دې لوبې په لومړني نوملړ کې شامل وو، خو یو ناڅاپه یې پر ځای ریاض حسن، شمسالرحمن او خلیل احمد په ۱۶ کسیزه لوبډله کې شامل شوي دي.
ورته مهال، د افغان کرېکټ بورډ ویاند سېدسیم سادات ۸صبح ورځپاڼې ته ویلي، دا لومړنی ۲۰ کسیز نوملړ و چې د لوبې له پیل وړاندې به یوازې ۱۶ کسان ترې غوره شي.
د نوموړي په خبره:«کرېکټ بورډ ویلي و چې دا لوبغاړي لومړی تمریناتي کمپ کې ګډون کوي او د دغه کمپ له پای ته رسېدو سره سم په لوبغاړو کې بدلون راغی.»
د ببزنېسسټنډرډ په راپور کې راغلي چې په لوبډله کې بدلون د لوبغاړو د کارکردګۍ، د لوبډلمشر او روزونکي کشورې د سلا پر بنسټ رامنځته شوی دی.
د یادونې ده چې د نیوزیلېنډ او افغان ملي لوبډلو ترمنځ یوازینۍ ټېسټ لوبه به د سپټامبر پر ۹مه په ګریټر نویډا لوبغالي کې پیل او د همدې میاشت پر ۱۳مه پای ته ورسېږي.
دا په داسې حال کې ده، تېره ورځ افغان کرېکټ بورډ ویلي و چې چټک توپاچوونکی نوید ځدراڼ هم د پوښتیو د درد له امله په لوبه کې ګډون نهشي کولی.
