۸صبح، هرات: د هرات سیمهییزو سرچینو د دغه ولایت په تورغونډۍ بندر کې د اورلګېدنې خبر ورکړی دی.
سرچینو ۸صبح ورځپاڼې ته وویل چې دا اورلګېدنه جمعه د مرغومې پر ۷مه د سهار د شاخوا ۹:۰۰ بجې پېل شوې او تر اوسه دوام لري.
سرچينو زياته کړې چې د تورغونډۍ په بندر کې د لګېدلي اور لمبې پراخې شوي او د يو ساعت په تېرېدو سره لا هم کنټرول شوی نه دی.
د تورغونډۍ بندر د کشک رباطسنګي ولسوالۍ اړوند دی او له ترکمنستان سره پوله لري.
دا د هرات یو مهم بندر دی چې په کې د ترکمنستان او افغانستان ترمنځ هره ورځ صادرات او واردات کېږي.
