۸صبح، کابل: د طالبانو د ویاند مرستیال حمدالله فطرت ویلي چې په یوه ورځ کې ۴۴۴ افغان کډوالې کورنۍ چې ټولټال ۲ زره او ۲۵۹ کسان کېږي، په جبري توګه افغانستان ته راستنې کړل شوې دي.
فطرت دوشنبه د زمري پر ۱۲مه، په یوه خبرپاڼه کې ویلي چې ډېری دغه کډوال د تورخم له لارې هېواد ته راغلې دي.
د خبرپاڼې له مخې، ۳۸۵ کورنۍ چې ۲ زره او ۱۳ کسان پکې شامل دي، د تورخم له لارې او ۱۶ کورنۍ چې ۸۴ کسان پکې شامل دي، د سپین بولدک له لارې افغانستان ته راغلې دي.
دغه راز ۳۰ کورنۍ چې ۱۱۴ کسان پکې شامل دي، د ورېښمو لارې او ۱۳ کورنۍ چې ۴۸ کسان پکې شامل دي، د اسلامکلا له لارې هېواد ته راستنې شوې دي.
پاکستان او ایران هغه هېوادونه دي چې د هغو افغان کډوالو د ایستلو بهیر یې چټک کړی چې د قانوني استوګنې اسناد نه لري.
نړیوالو بنسټونو خبرداری ورکړی چې افغانستان ته د کډوالو پراخه ستنېدنه په داسې حال کې چې هېواد له اقتصادي ناورين او د کاري فرصتونو له کمښت سره مخ دی، پر ستنو شویو کورنیو لا زیات فشار راولي.
