د ملګرو ملتونو سرمنشي انتونیو ګوتېرېش په ټوله نړۍ کې د نښتو پر درېدو او نړیوالو قوانینو ته پر درناوي ټينګار کړی دی.
ګوتېرېش پنجشنبه د اکتوبر پر ۲۲مه په خپله اېکس پاڼه کې لیکلي چې په نړۍ کې جګړې نه یوازې سختېږي، بلکې پراخېږي هم او هره جګړه نورو ډېرو جګړو ته لمن وهي.
نوموړي ټينګار کړی چې جګړې دې ودرېږي او نړیوالو قوانینو ته دې درناوی وشي.
د ملګرو ملتونو سرمنشي د ملکیانو د خوندیتوب او د بېړۍ چلونې ازادۍ او حقونو پر پاملرنې هم ټينګار کړی دی.
ګوتېرېش ویلي چې ډيپلوماسۍ ته دې وخت ورکړل شي څو سولهییزو حل لارو ته لار برابره شي.
