د ملګرو ملتونو سرمنشي انتونیو ګوتېرېش وايي چې کلتور یو بنسټیز بشري حق دی او د ملتونو ترمنځ د سولې او همپالنې بنسټ جوړېدای شي.
ګوتېرېش پنجشنبه د نومبر پر ۵مه په اېکس پاڼه کې لیکلي چې کلتور انسانانو ته ورزده کوي چې مسایلو ته له انتقادي لیدلوري وګوري.
نوموړي زیاته کړې چې کلتور له انسانانو سره مرسته کوي چې انسانیت په نورو ان په پرونیو دوښمنانو کې وویني او په رسمیت یې وپېژني.
د ملګرو ملتونو سرمنشي ټينګار کړی چې دا د کلتور ځواک دی او سوله هم له همدغه ټکي پیلېږي.
ګوتېرېش د خلکو ترمنځ د متقابل درک د پیاوړتیا، د توپیرونو د منلو او سولهییز ګډ ژوند ته د لارې برابرولو په برخه کې د کلتور پر ونډې ټینګار کړی دی.
