د ملګرو ملتونو سرمنشي انتونیو ګوتېرېش ویلي چې په غزې او په منځني ختیځ کې له پراخ کړکېچه نیولې تر اوکرایین او سوډان پورې، نړۍ سولې ته اړتیا لري او حکومتونه دې د ملګرو ملتونو د منشور او نړیوالو قوانینو په چوکاټ کې خپلو ژمنو ته درناوی وکړي.
ګوتېرېش یکشنبه د سپټمبر پر ۱۳مه په اېکس کې لیکلي چې حکومتونه دې د هېوادونو د حاکمیت، ځمکنۍ بشپړتیا او سیاسي خپلواکۍ په څېر اصولو ته درناوی وکړي.
نوموړي د اختلافاتو پر سولهییز هواري ټينګار کړی دی.
د ملګرو ملتونو سرمنشي د بشري حقونو نړیوالو قوانینو ته پاملرنه د حکومتونو مهمه ژمنه بللې ده.
ګوتېرېش داسې مهال په نړۍ کې پر سولې ټينګار کړی چې په غزې، اوکرایین، سوډان او نورو سیمو کې جګړې او کړکېچونه دوام لري.
