د حماس یو جګپوړی چارواکی وايي چې درې یرغمل مېرمنې یې سره صلیب ته سپارلې دي.
ډيلي صباح یکشنبه د جنورۍ پر ۱۹مه د حماس د یوه چارواکي له خولې راپور ورکړی چې دا له اسرائیلو سره د پرېکړې پر بنسټ شوې ده.
دغه چارواکي زیاته کړې: «درې یرغملې مېرمنې په رسمي توګه د غزې ښار لویدیځې څنډې په السرایا ډګر کې سره صلیب ته وسپارل شوې. دا پرېکړه وروسته له هغې وشوه چې د سره صلیب کمېټې یو غړي ورسره ولیدل او د هغوی د هوساینې ډاډ یې ورکړ.»
اسرائیلي پوځ هم د دغو مېرمنو د خوشې کېدو پخلی کړی او ویلي دي چې اوس له سره صلیب سره دي.
بل پلو، یوه اسرائیلي چارواکي رویټرز ته ویلي چې سره صلیب اسرائیلو ته خبر ورکړی چې درې واړه مېرمنې رکې روغې دي.
حماس په یوه ویناپاڼه کې د یرغمل شویو کسانو د لېست په اعلان کې ځنډ تخنیکي ستونزه بللې او زیاته کړې یې وه چې د اوربند تړون ته ژمن دی.
د یادونې ده چې پرون د اسرائیلو کابینې هم د غزې اوربند تصویب کړ.
