۸صبح، هرات: د هرات ځینې اوسېدونکي وايي چې د اوړي په ګرم موسم کې د برېښنا او اوبو د پرلپسې پرې کېدو له کبله له ګڼو ننګونو سره مخ دي.
سرچینو سهشنبه د چنګاښ پر ۱۶مه ۸صبح ورځپاڼې ته ویلي چې د سانتي ګريډ په کچه څه باندې ۴۰ درجې ګرمۍ په بېلابېلو ساعتونو کې اوبه او برېښنا پرې کېږي او دغه وضعیت کورنیو ته ګڼې ستونزې راولاړې کړې دي.
سرچینې وايي چې ځينې ماشومان د شدیدې ګرمۍ او برېښنا نه شتون له کبله ناروغان شوي دي.
د هرات اوسېدونکي وايي چې د برېښنا پرلپسې پرې کېدو پر سوداګرۍ او کاروبارونو هم منفي اغېز کړی دی.
دا ستونزه هر کال د اوړي په موسم کې تکرارېږي چې د هوا له تودېدو سره سم د اوبو او برېښنا پرې کېدل هم زیاتېږي.
